KOMENTARI ELEKTRONIK
KODI I DREJTËSISË PENALE PËR TË MITUR   |   37/2017

Neni 107: Ekzekutimi i vendimit të dënimit jo me burgim

Miratuar me ligjin 37, me datë 30/03/2017
Neni Para Neni Pas

1. Ekzekutimi i vendimit të dënimit jo me burgim, të parashikuar prej këtij Kodi, zbatohet nga Drejtoria e Përgjithshme e Shërbimit të Provës.

2. I mituri vazhdon të vuajë dënimin jo me burgim ose me kusht të përcaktuar në vendimin e dënimit si i mitur edhe nëse ka mbushur moshën 18 vjeç para fillimit të ekzekutimit ose gjatë ekzekutimit të këtij vendimi. Në këtë rast, zbatohen dispozitat përkatëse të këtij Kodi.

3. Në rast të shkeljes së regjimit të përcaktuar për ekzekutimin e vendimit të dënimit jo me burgim nga një i mitur, Shërbimi i Provës harton një procesverbal paralajmërimi, i cili, sipas rastit, i dorëzohet ose i dërgohet me postë të dënuarit kundrejt vërtetimit të marrjes.

4. Nëse i mituri i shmanget vuajtjes së dënimit jo me burgim, dënimit me kusht ose kryerjes së një detyrimi, Shërbimi i Provës, pasi të ketë verifikuar faktet dhe rrethanat, i raporton prokurorit dhe, sipas rastit, i propozon ndryshimin e vendimit.

5. Prokurori, sipas rastit, mund t’i kërkojë gjykatës ndryshimin e vendimit.

6. Gjykata, gjatë shqyrtimit të kërkesës, dëgjon prokurorin, të miturin, mbrojtësin e tij dhe merr mendimin e përfaqësuesit të Shërbimit të Provës dhe përfaqësuesit ligjor të të miturit.

7. Me kërkesë të palës/ve, gjykata mund të shqyrtojë edhe prova të tjera.

8. Në këtë rast gjykata shprehet brenda një jave nga paraqitja e kërkesës.

Përmbajtja

      1. Neni 107 i KDPM ka si qëllim të përcaktojë rregulla mbi ekzekutimin e dënimeve jo me burgim, në drejtim të organeve kompetente të përfshira në këtë process dhe në drejtim të procedurave që ndiqen në këtë rast.

       

      1. Ky nen ka përmbajtje kryesisht procedurale. Rregullat e përfshira në të synojnë të bëjnë më të lehtë një proces kompleks për gjykatën, prokurorinë dhe shërbimin e provës por edhe për mbrojtësin ose përfaqësuesin ligjor të të miturit, si aktorë të rëndësishëm që i bashkohen procedurës për të lehtësuar dhe përmbushur, ashtu si duhet, nga pikëpamja ligjore dhe praktike, detyrimet e parashikuara në përmbajtjen e vendimit të dënimit jo me burgim. Neni ka të bëjë me situatat që krijohen rast pas rasti në fazën e ekzekutimit të dënimeve jo me burgim kur vërehen mospërmbushje të detyrimeve nga ana e të miturit ose konstatohen situata të moszbatimit të regjimit të përcaktuar për të. Neni 107 shpreh kujdesin e legjislatorit për bërë evidente rastet e shmangies nga dënimi jo me burgim, ose nga dënimi me kusht ose për përmbushjen e një detyrimi të caktuar, duke përcaktuar edhe pasojat që vijnë për të miturin në këto raste, si dhe duke parashtruar veprimet procedurale që kryejnë organet kompetente. Neni 107 kujdeset që të hedhë dritën e duhur edhe mbi marrëdhëniet e këtyre institucioneve dhe subjekteve procedurale në raport me njëri-tjetrin dhe në raport me procesin e drejtësisë penale për të mitur në përgjithësi.

       

      1. Neni 107 synon të specifikojë procedurën e vuajtjes së dënimit jo me burgim, me kusht ose me kryerjen e një detyrimi si për të miturit që janë ende nën moshën 18 vjeç, pra të mitur, para dhe gjatë ekzekutimit të vendimit, ashtu edhe për ata që janë të mitur para ekzekutimit të vendimit, por që arrijnë moshën 18 vjeç gjatë ekzekutimit të vendimit.

       

      1. Si përfundim, neni 107 nënvizon edhe një herë parimin e zhvillimit të një procesi drejtësie penale për të miturit sa më të shpejtë dhe efikas, duke parashikuar edhe afate të shkurtra, sic parashikohet në paragrafin 8 afati prej një jave, dhe veprime të tjera të shpejta për kryerjen e procedurave të nevojshme që lidhen me rastin kur ka një kërkesë për marrjen e provave shtesë.
      1. Neni 107 në strukturën e tij, nis me një linjë referuese. Kjo shihet në pikën 1, dhe në pikën 2 të nenit, ku ligjvënësi shprehet me një gjuhë të përgjithshme që i referohet të gjitha dispozitave që parashikojnë natyrën dhe llojet e vendimit të dënimit jo me burgim, pa i specifikuar ato njëra pas tjetrës.

       

      1. Neni 107 në strukturën e tij ndjek dy linja paralele: së pari, në pikat 2, 3 dhe 4 ndjek një linjë hipotetike për të trajtuar tre situata apo gjendje faktike që mund të ndeshen në praktikën e ekzekutimit të vendimeve penale jo me burgim, të vendimeve me kusht dhe të vendimeve për kryerjen e një detyrimi dhe, së dyti, në pikat 5, 6, 7 dhe 8 ndjek një linjë përshkruese për zgjidhjen e pasojave që vijnë nga situatat e supozuara në tre paragrafët e sipërpëmendur.

       

      1. Struktura e nenit 107 mbyllet me pikën 8. Këtu konkludohen veprimet që duhet ose mund të kryhen gjatë ekzekutimit të vendimit të dënimit jo me burgim, duke disiplinuar kryerjen e e veprimeve që parashikohen në pikën 7 të këtij neni brenda afatit një javor.
      1. Neni 107 evidenton faktin se procedura që parashtron nuk është një procedurë e detyrueshme për të gjitha rastet kur jepet një vendim me dënim jo me burgim, me kusht ose me kryerjen e një detyrimi, por ka një përdorim të kufizuar vetëm tek rastet kur vërehet mosekzekutimi i këtij vendimi nga ana e të miturit.

       

      1. Neni 107 në pikën 1 përcakton se në krye të procesit për ekzekutimin e vendimit të dënimit jo me burgim është Drejtoria e Përgjithshme e Shërbimit të Provës si institucioni i ngarkuar drejtpërdrejt nga KDPM për këtë qëllim.

        

      1. Brenda procedurës që parashtron neni 107 nënvizon ato pak rregulla procedurale që janë të detyrueshme në rast të mosekzekutimit të vendimit të dënimit jo me burgim, me kusht ose me kryerjen e një detyrimi, të tilla si: hartimi i procesverbalit të paralajmërimit nga ana e Shërbimit të Provës, postimi ose dërgimi i tij tek i mituri, marrja e vërtetimit të marrjes në dorëzim të procesverbalit të paralajmërimit, raportimi i Shërbimit të Provës tek prokurori, propozimi i Shërbimit të Provës për ndryshimin e vendimit, kërkesa e prokurorit drejtuar gjykatës për ndryshimin e vendimit, organizimi i një seance dëgjimore nga gjykata dhe kërkesa drejtuar gjykatës për shqyrtimin e provave të tjera.

       

      1. Në pikën 1, sic u përmend, legjislatori referon tek dënimet jo me burgim "të parashikuar prej këtij Kodi" pa iu referuar neneve konkrete. Këtu është fjala për nenet 95, 98, 99, 100, 102, 103, 105, 108 dhe 139. Neni 95 parashikon llojet e dënimeve për të mitur ndër të cilët të parët renditen dënimet jo me burgim të tilla si: a) kufizimi i lirisë; b) qëndrimi në shtëpi; c) gjoba; ç) kryerja e një pune me interes publik; d) ndalimi për kryerjen e një veprimtarie; dh) përmbushja e detyrimeve të caktuara." Në vijim, KDPM trajton kuptimin dhe zbatimin e secili prej dënimeve jo me burgim, etj.

       

      1. Pika 2 e nenit 107 përdor një referim tjetër që bëhet për rastet kur i mituri gjatë ekzekutimit të dënimit jo me burgim mbush moshën 18 vjeç. Në këtë pikë ligjvënësi referon në përgjithësi zbatimin e KDPM por pa i specifikuar dispozitat. Një parashikim që lidhet me arritjen e moshës 18 vjeç gjatë ekzekutimit të dënimit të një të mituri bëhet nga neni 123, pika 2 i KDPM.

       

      1. Pika 3 e nenit 107 trajton rastin kur i mituri shkel "regjimin e përcaktuar" për ekzekutimin e dënimit. Me shprehjen "regjim i përcaktuar" do të nënkuptohet tërësia e rregullave dhe e veprimeve që janë përcaktuar shprehimisht në vendimin e dënimit jo me burgim. Regjimi përfshin jo vetëm veprimet, mosveprimet dhe detyrimet që duhet të ndiqen me kujdes nga ana e të miturit, por edhe specifikime të tjera që mund të lidhen me afatet e kryerjes së veprimit, me mënyrën e kryerjes, me vendin ose mjedisin ku kryhet detyrimi, personat që mund të shoqërojnë të miturin, mjetet ose veglat përmes të cilave realizohet veprimi, e të tjera të ngjashme me to. Pra, regjimi përmban një tërësi treguesish, të parashikuar në vendim, që e shoqërojnë rast pas rasti listën e veprimeve apo detyrimeve për t'u kryer nga i mituri.

       

      1. Pika 3 e nenit 107 parashikon edhe përgatitjen e një "procesverbali paralajmërimi" nga ana e Shërbimit të Provës. "Procesverbali i paralajmërimit" nga pikëpamja formale hartohet në formën e një dokumenti të shkruar i cili hartohet në rastet kur nga Shërbimi i Provës vërehet se i mituri ka kryer shkelje të regjimit të përcaktuar për t'u ndjekur në vendim ose kur ka tendenca apo tentativa fillestare të mospërmbushjes së detyrimeve ose kur evidentohet një mospërmbushje në radhën e detyrimeve që do të kryhen nga i mituri. Procesverbali i paralajmërimit konsiston në vetvete në evidentimin apo përshkrimin e situatës konkrete të shkeljes së detyrimeve duke përshkruar tabllon e sjelljes, të veprimeve ose mosveprimeve të të miturit. Qëllimi i hartimit të këtij procesverbali është për t'i bërë të ditur të miturit që shkelja e parë e regjimit nuk duhet të shkojë drejt limiteve të patolerueshme, në mënyrë që të parandalohet marrja e masave më të ashpra për ndryshimin e dënimit jo me burgim. Procesverbali i parashikuar nga pika 3 e nenit 107 e paralajmëron të miturin që të shmanget nga shkelja e regjimit të parashikuar në vendimin jo me burgim. Procesverbali i jepet dorazi të miturit ose i dërgohet me postë duke u siguruar për përzgjedhjen e një shërbimi postar që merr vërtetimin e marrjes në dorëzim të procesverbalit.

       

      1. Pika 4 e nenit 107 parashikon që në rast shkelje të regjimit të përcaktuar Shërbimi i Provës i raporton prokurorit dhe "sipas rastit”, i propozon ndryshimin e vendimit. Nga përmbajtja e kësaj pike konkludojmë se Shërbimi i Provës e vë në dijeni prokurorin për çdo shmangie nga vuajtja e dënimit jo me burgim, por jo gjithmonë i kërkon ndryshimin e vendimit. Neni e lë në zgjedhje të Shërbimit të Provës të vendosë nëse është rasti që t'i propozojë prokurorit ndryshimin e vendimit ose është rasti t'i jepet të miturit edhe një mundësi e dytë që ta respektojë rregjimin e përcaktuar për të ardhmen duke reflektuar tek eleminimi i faktorëve apo shkaqeve që kanë sjellë shmangien nga vuajtja e dënimit jo me burgim. Nëse Shërbimi i Provës ka dështuar, me përsëritje, në korrigjimin e sjelljes së të miturit në përmbushjen e detyrimeve, atëherë është rasti që duhet të kërkojë nga prokurori ndryshimin e vendimit. E njëjta shprehje "sipas rastit" përdoret edhe në pikën 5 të nenit 107, kur ligjvënësi parashikon që prokuroria çmon të kërkojë ndryshim vendimi duke u nisur nga rrethanat e rastit konkret.

       

      1. Pika 6 parashikon detyrimin e gjykatës që para se të vendosë nëse do të pranojë kërkesën e prokurorit për ndryshim vendimi të "marrë mendimin" nga Shërbimi i Provës. Duket në pamje të parë si një rreth vicioz që fillon me Shërbimin e Provës dhe rikthehet përsëri tek Shërbimi i Provës. Me këtë kuptojmë se në çdo rast, pavarësisht nëse procedura fillon me kërkesën apo propozimin e Shërbimit të Provës për ndryshimin e vendimit apo fillon nga ana e prokurorit, Shërbimi i Provës duhet të shprehet para gjykatës, me qëllim që organi që merr vendimin të bëjë një kontrroll të kryqëzuar të të gjithë organeve që plotësojnë kuadrin e rrethanave të çdo rasti konkret.
      1. Në legjislacionin shqiptar është hera e parë që për të miturit parashikohet në nivelin e një Kodi një rregullim i tillë si ai i nenit 107 të KDPM-së ku specifikohen rregullat e ndryshimit të vendimit jo me burgim të të miturit në rast të mospërmbushjes së detyrimeve të parashikuara. 

         

      1. Përpara KDPM, elementë që lidhen me ndryshimin e vendimit me kusht ose me provë për të dënuarit në përgjithësi, për shkak të mospërmbushjes së detyrimeve përcaktoheshin në nenin 62 të KP miratuar me ligjin Nr. 7895, datë 27.1.1995 , ndryshuar me: ligjet nr. 8175, datë 23.12.1996; nr. 8204, datë 10.4.1997; nr. 8279, datë 15.1.1998; nr. 8733, datë 24.1.2001; nr. 9017, datë 6.3.2003; nr. 9030, datë 13.3.2003; nr. 9086, datë 19.6.2003; nr. 9188, datë 12.2.2004; nr. 9275, datë 16.9.2004; nr. 9686, datë 26.2.2007; nr. 9859, datë 21.1.2008; nr. 10 023, datë 27.11.2008; nr. 23/2012, datë 1.3.2012; nr. 144, datë 2.5.2013; nr. 98, datë 31.7.2014; nr. 176/2014, datë 18.12.2014; nr. 135/ 2015, datë 5.12.2015; nr. 82/2016, datë 25.7.2016; nr. 36/2017, datë 30.3.2017; nr. 89/ 2017, datë 22.5.2017 vendimet e Gjykatës Kushtetuese: nr. 13, datë 29.5.1997; nr. 46, datë 28.8.1997; nr. 58, datë 5.12.1997; nr. 65, datë 10.12.1999; nr. 11, datë 2.4.2008; nr. 19, datë 1.6.2011; nr. 47, datë 26.7.2012 dhe nr. 9, datë 26.2.2016. Neni 62 parashikon: "Shkelja e kushteve dhe e detyrimeve gjatë kohës së provës (Ndryshuar me ligjin nr. 10 023, datë 27.11.2008) Nëse i dënuari, gjatë afatit të provës, kryen një vepër tjetër penale, gjykata mund të ndryshojë detyrimet që ka vendosur, ta zëvendësojë dënimin e dhënë me një dënim tjetër, apo ta revokojë, tërësisht ose pjesërisht, vendimin e pezullimit. Nëse i dënuari, gjatë afatit të provës, shkel kushtet ose detyrimet që i janë vendosur, shërbimi i provës i raporton menjëherë prokurorit. Për shkelje të lehta dhe për herë të parë të kushteve ose të detyrimeve që i janë vendosur nga gjykata, prokurori ka të drejtë të japë paralajmërim, i cili regjistrohet në dosjen personale të të dënuarit. Për shkelje të rënda ose të përsëritura, prokurori i kërkon gjykatës ndryshimin e detyrimit të vendosur, shtimin e detyrimeve të tjera, zëvendësimin e tyre me një sanksion tjetër, ose revokimin e vendimit të pezullimit të dënimit dhe vuajtjen e pjesës së mbetur të dënimit në burg."

       

      1. Përpara KDPM kemi nenet 25, 31/3, 31/4, 31/6, 31/10 të ligjit Nr.8331, datë 21.4.1998 ‘Për ekzekutimin e vendimeve penale’ ndryshuar me ligjin nr. 10024, datë 27.11.2008[1]. 

       

      1. Vendimit nr. 302, datë 25.3.2009 "Për miratimin e Rregullores “Për organizimin e funksionimin e Shërbimit të Provës dhe për përcaktimin e standardeve e të procedurave, për mbikëqyrjen e ekzekutimit të dënimeve alternative”[2] si një akt nënligjor përpara KDPM në nenin 47 përfshijnë rregulla mbi ‘Mospërmbushjen e kushteve dhe detyrimeve’ dhe në nenin 59 rregulla për ndryshimi i detyrimeve ".

       

      [1] Neni 25 parashikon se: ..."Për të gjitha llojet e dënimeve të tjera, në rast mosparaqitjeje ose shmangie nga ekzekutimi, prokurori paraqet kërkesë për ndryshimin e llojit të dënimit sipas rregullave të parashikuara në KPP"; Neni 31/3 parashikon rastet e pezullimit të vendimit për punë me interes publik (Shtuar me ligjin nr.10 024, datë 27.11.2008); Neni 31/4 parashikon se: "... Kur personi i dënuar nuk është në gjendje të përmbushë detyrimet e vendosura nga gjykata, për shkak të ndryshimit të rrethanave, shërbimi i provës i rishikon këto detyrime, për të cilat i raporton menjëherë prokurorit. "Neni 31/6 parashikon: "... Shërbimi i provës mbikëqyr ekzekutimin e vendimit të lirimit me kusht dhe, kur është e nevojshme, bashkëpunon me organet e pushtetit vendor dhe ato të Policisë së Shtetit. Shërbimi i provës mund t’i kërkojë prokurorit ndryshimin e një ose të disa detyrimeve të personit të liruar me kusht, kur ai nuk është në gjendje t’i përmbushë ato." Neni 31/10 parashikon: "Shqyrtimi i kërkesës për ndryshimin ose revokimin e dënimit alternativ (Shtuar me ligjin nr.10 024, datë 27.11.2008) Gjykata, me kërkesë të prokurorit, shqyrton shkeljen e kushteve të dënimit alternativ apo mospërmbushjen e detyrimit të dhënë dhe mund të vendosë ndryshimin ose revokimin e pjesshëm a të plotë të dënimit alternativ".

      [2] http://www.sherbimiproves.gov.al/images/pdf/1_Rregullore_Shp.pdf

      1. Konventa mbi të drejtat e fëmijës miratuar nga Asambleja e Përgjithshme e OKB 20 nëntor 1989[1] në neni 37, gërma b) parashikon: " (b) Asnjë fëmije të mos i mohohet liria në mënyrë të paligjshme ose arbitrare. Arrestimi, ndalimi ose burgimi i një fëmije duhet të jetë në përputhje me ligjin dhe të përdoret vetëm si një masë e fundit dhe për një kohë sa më të shkurtër." 

       

      1. United Nations Standard Minimum Rules for the Administration of Juvenile Justice (The Beijing Rules)[2] kryesisht pika 18.

       

      1. The United Nations Standard Minimum Rules for Non-custodial Measures (The Tokyo Rules)[3] parashikon: "14. Disiplina dhe shkelja e kushteve 14.1 Shkelja e kushteve që duhet të respektohet nga kryerësi mund të rezultojë në modifikimin ose revokimin e masës jo-kujdestare. 14.2 Modifikimi ose revokimi i masës jo-kujdestare bëhet nga autoriteti kompetent, kjo bëhet vetëm pas një shqyrtimi të kujdesshëm të fakteve të paraqitura nga zyrtari mbikëqyrës dhe shkelësi 14.3 Dështimi i një mase jo-kujdestare nuk duhet të çojë automatikisht në shqiptimin e masës së kujdestarisë 14.4 Në rast të një modifikimi ose revokimi të masës së paraburgimit, autoriteti kompetent do të përpiqet të krijojë një masë alternative të përshtatshme jo-kujdestare. Një dënim me burgim mund të jepet vetëm në mungesë të alternativave të tjera të përshtatshme 14.5 Fuqia për të arrestuar dhe ndaluar shkelesin ne mbikëqyrje në rastet kur ka shkelje të kushteve do të përcaktohet me ligj 14.6 Me ndryshimin ose revokimin e mospërgjegjësisë shkelësi do të ketë të drejtën të ankohet në një autoritet gjyqësor ose autoritet tjetër të pavarur kompetent.

       

      [1] https://www.unicef.org/magic/media/documents/CRC_albanian_language_version.pdf

      [2] http://www.ohchr.org/Documents/ProfessionalInterest/beijingrules.pdf

      [3] http://www.ohchr.org/Documents/ProfessionalInterest/tokyorules.pdf

  • Raporte, opinione, rekomandime dhe deklarata

    1. Recommendation CM/Rec (2010)1 of the Committee of Ministers to member states on the Council of Europe Probation Rules[1] kryesisht në pikën 35, 42; 45;

     

    1. Recommendation CM/Rec(2008)11 of the Committee of Ministers to member states
      on the European Rules for juvenile offenders subject to sanctions or measures.[2]

     

    1. Commentary of (The Beijing Rules)[3];

     

    [1] https://www.pmscr.cz/download/mezdoken_European_Probation_Rules.pdf

    [2] https://wcd.coe.int/ViewDoc.jsp?p=&id=1367113&Site=CM&direct=true

    [3] http://www.ohchr.org/Documents/ProfessionalInterest/beijingrules.pdf

    1. RELACION PER PROJEKTLIGJIN "PER DISA NDRYSHIME DHE SHTESA NE LIGJIN NR.7895, DATE 27.01.1995 "KODI PENAL I REPUBLIKES SE SHQIPERISE"[1] parashikon: "Risi e projektligjit janë përmirësimi i dispozitave që parashikojnë alternativat e denimit (nenet 60, 60/a, 62,62/a 64) me qellim qe vendimet alternative te jene te zbatueshme duke bere te mundur mbikqyerjen e tyre nga institucioni i Sherbimit te Proves." 

     

    1. Analizë e Sistemit të Drejtësisë në Shqipëri, Qershor 2015, hartuar nga Grupi i Ekspertëve të Nivelit të Lartë pranë Komisionit të Posaçëm Parlamentar për Reformën në Sistemin e Drejtësisë.[2]

     

    [1] https://www.parlament.al/wp-content/uploads/2017/01/RELACION-KODI-PENAL-I-REPUBLIKES-SE-SHQIPERISE.pdf

    [2] http://www.reformanedrejtesi.al/sites/default/files/dokumenti_shqip_0.pdf

    1. Neni 62 i Kodit Penal të Republikës së Shqipërisë, miratuar me ligjin Nr. 7895, datë 27.1.1995 , ndryshuar me: ligjet nr. 8175, datë 23.12.1996; nr. 8204, datë 10.4.1997; nr. 8279, datë 15.1.1998; nr. 8733, datë 24.1.2001; nr. 9017, datë 6.3.2003; nr. 9030, datë 13.3.2003; nr. 9086, datë 19.6.2003; nr. 9188, datë 12.2.2004; nr. 9275, datë 16.9.2004; nr. 9686, datë 26.2.2007; nr. 9859, datë 21.1.2008; nr. 10 023, datë 27.11.2008; nr. 23/2012, datë 1.3.2012; nr. 144, datë 2.5.2013; nr. 98, datë 31.7.2014; nr. 176/2014, datë 18.12.2014; nr. 135/ 2015, datë 5.12.2015; nr. 82/2016, datë 25.7.2016; nr. 36/2017, datë 30.3.2017; nr. 89/ 2017, datë 22.5.2017 vendimet e Gjykatës Kushtetuese: nr. 13, datë 29.5.1997; nr. 46, datë 28.8.1997; nr. 58, datë 5.12.1997; nr. 65, datë 10.12.1999; nr. 11, datë 2.4.2008; nr. 19, datë 1.6.2011; nr. 47, datë 26.7.2012 dhe nr. 9, datë 26.2.2016. 

     

    1. Nenet 25, 31/3, 31/4, 31/6, 31/10 të ligjit ‘Për ekzekutimin e vendimeve penale’ nr.8331, datë 21.4.1998, Ndryshuar me ligjin nr. 10024, datë 27.11.2008. 

     

    1. Nenet 47 dhe 59 të Vendimit nr. 302, datë 25.3.2009 "Për miratimin e Rregullores “Për organizimin e funksionimin e Shërbimit të Provës dhe për përcaktimin e standardeve e të procedurave, për mbikëqyrjen e ekzekutimit të dënimeve alternative”. 

     

    1. Nenet 10, 11, 11/3 dhe 32 të Ligjit Nr.8328, datë 16.4.1998 Për të drejtat dhe trajtimin e të dënuarve me burgim dhe të paraburgosurve, ndryshuar me ligjin nr.8758, datë 26.3.2001 botuar në FZ nr.15) (Ndryshuar me ligjin nr.9071, datë 22.5.2003 botuar në FZ nr.53) (Ndryshuar me ligjin nr.9888, datë 10.3.2008 botuar në FZ nr.44) (Ndryshuar me ligjin nr.10 087, datë 26.2.2009 botuar në FZ nr.32) (Ndryshuar me ligjin nr.40/2014, datë 17.4.2014, botuar në FZ nr. 67. 

     

    1. Neni 31 i Vendimit nr. 302, datë 25.3.2009 për miratimin e Rregullores “Për organizimin e funksionimin e shërbimit të provës dhe për përcaktimin e standardeve e të procedurave, për mbikëqyrjen e ekzekutimit të dënimeve alternative” parashikon detyrimi për të hartuar dhe paraqitur raportin nga ana e Shërbimit të Provës, me kërkesë të prokurorit ose gjykatës.
    1. Vendimi nr. 302, datë 25.3.2009 për miratimin e Rregullores “Për organizimin e funksionimin e shërbimit të provës dhe për përcaktimin e standardeve e të procedurave, për mbikëqyrjen e ekzekutimit të dënimeve alternative”.
  • Asnjë koment

  • MANUAL PËR PUNONJËSIN E SHËRBIMIT TË PROVËS, OSCE Linku: http://www.osce.org/albania/80121?doënload=true 

    Mears, D. (2002) ‘Sentencing Guidelines and the Transformation of Juvenile Justice in the 21st Century’ , Journal of Contemporary Criminal Justice 18(1): 6-19. 

    http://journals.sagepub.com/author/Alberola%2C+Cristina+Rechea 

    Junger-Tas, J. (2002) ‘The Juvenile Justice System: Past and Present Trends in Western Society’, in I. Weijers and A. Duff (eds) Punishing Juveniles, pp. 23-44. Oxford: Hart 

    Justice (2004) Restorative Justice: The Ëay Ahead. London: Justice . http://journals.sagepub.com 

    Fionda, J. (1998) ‘The Age of Innocence? The Concept of Childhood in the Punishment of Young Offenders’ , Child and Family Law Quarterly 10(1): 77-87 http://eprints.kingston.ac.uk/12371/

  • Asnjë koment
Marjana Semini
Arta Mandro, Koraljka Bumči